Fevralın 11-də "Qarabağ"dan ayrılan Riçard Almeydanın yeni klubunun adına aydınlıq gəlib.

“Football-plus.az” xəbər verir ki, 35 yaşlı yarımmüdafiəçi Braziliyanın "Primavera" komandasında çıxış edəcək. Azərbaycan millisinin sabiq üzvü ilə imzalanan müqavilənin detalları hələlik açıqlanmayıb. "Primavera" hazırda A2 liqasında mübarizə aparır və turnir cədvəlində 19 xalla 2-cidi.

Qeyd edək ki, 2012-18, 2019 və 2021-25-ci illərdə "Qarabağ"da oynayan Riçadrd 376 oyunda 64 qol vurub. Almeyda Premyer Liqada 254 (51 qol), kubokda 31 (5 qol), avrokuboklarda 91 (8 qol) dəfə Ağdam təmsilçisinin formasını geyinib. O, 9 dəfə Azərbaycan çempionu, 5 dəfə Azərbaycan kubokunun qalibi adını qazanıb. Yarımmüdafiəçi 2017-23-cü illərdə çıxış etdiyi Azərbaycan millisində 31 oyunda 3 qol vurub.