78 ildən sonra bunu bacaran ilk futbolçu oldu

Harri Keyn karyerasında daha bir uğurlu göstəriciyə imza atıb.

"Football-plus.az" xəbər verir ki, o, Xorvatiya ilə səfər oyununda milli komandanın tarixinə düşüb. “Bavariya”nın hücumçusu İngiltərə yığmasında ardıcıl 6 səfər oyununda qol vurub. O, bu göstərici ilə 78 il əvvəl müəyyənləşmiş rekordu təkrarlayıb.

Keyndən əvvəl bunu yalnız üç futbolçu bacarıb. Ceyms Uindric, Tom Finni və Sten Mortensen ardıcıl 6 səfər matçında qol vurublar. Mortensen bu rekorda sonuncu dəfə 1948-ci ildə imza atıb.

Qeyd edək ki, Keynin seriyasına Andorra, Serbiya, Latviya, Albaniya, Çexiya və Xorvatiya ilə səfər oyunlarında vurduğu qollar daxildi.