"Football-plus.az" xəbər verir ki, o, mətbuat konfransında komandasının oyunundan tam razı qalmadığını deyib:
“Oyunun keyfiyyətinə görə özümüzdən razı deyilik. Düşünürəm ki, daha yaxşı oynaya bilərik. Oyunçuların etməyə öyrəşmədiyi, qarşısını almaq mümkün olan çoxlu səhv var idi. Bu, bizim üçün ən gözəl və göz oxşayan matç deyildi. Bu, əziyyət çəkməli və çox çalışmalı olduğunuz çətin bir matç idi”.
Baş məşqçi komandasının xarakter nümayiş etdirdiyini vurğulayıb:
“Bəzən oyun istədiyiniz kimi alınmır. Belə vəziyyətdə gözəl və mürəkkəb hərəkətlərə çalışmaq əvəzinə, əsas və sadə şeylərə qayıtmalısınız. Futbolçularımız bu keyfiyyətə sahib olduqlarını nümayiş etdirdilər. Bəzən çətin olur, bəzən işə yaramır, amma yenə də əsas şeylərə, ən sadə şeylərə qayıdır və matçın əsas mövzusunu, oyunu öz əllərinizlə tapmağa çalışırsınız”.
Edqaras Yankauskasın sözlərinə görə, meydana çıxan komandası son illərin ən gənc heyətlərindən biri olub. O, Azərbaycan millisinin imkanlarını da dəyərləndirib:
“Qaçırılan qoldan başqa, düşünürəm ki, onlara çox şey yaratmağa imkan vermədik”.
Litva millisinin baş məşqçisi iki komandanın eyni ustalığa malik olduğunu və qrup qalibinin Bakıdakı oyunda həll olunacağını deyib:
“Matç göstərdi ki, burada eyni ustalığa malik iki komanda var və son nəticə bəzi kiçik detallardan asılı olacaq. Bakıda isə bu detallar fərqli olacaq. Başqa bir meydança, başqa bir stadion, başqa bir emosional fon. Bəlkə də həlledici məqam bir dəfə səhv gedən top və ya vaxtında edilən bir müdaxilə olacaq. Qrup qalibi məsələsi açıqdı və bu, yalnız Bakıda, səfər matçında həll olunacaq”.
