“Leykers” sabiq məşqçisinə heykəl qoyacaq

MBA komandalarından “Leykers” sabiq baş məşqçisi Fil Ceksonun heykəlini ev oyunarını keçirdiyi arenanın önündə qoyacaq.

Heykəlin açılışı gələn ilin aprelinə planlaşdırılıb. 80 yaşlı Cekson “Leykers”in belə şərəfə layiq görülən 9-cu təmsilçisidi. Əvvəllər Mecik Conson, Kərim Abdul-Cabbar, Cerri Uest, Elcin Beylor, Şakil O’Nil, Kobi Brayant, Çik Hirn və Pet Rayli də klubdan eyni ehtiramı görüb.

Cekson “gölməçəsevərlər”i 1999-2004 və 2005-11-ci illər aralığında çalışdırıb. Komanda onun rəhbərliyi altında 5 dəfə (2000, 2001, 2002, 2009, 2010) MBA çempionu olub. Mütəxəssis “Çikaqo”nun “sükanı arxasında” da 6 çempionluq qazanıb. Cekson oyunçu kimi “Nyu-York” və “Nyu-Cersi” komandalarının şərəfini qoruyub. “Nyu-York”un heyətində iki dəfə (1970, 1973) MBA çempionu olub.