“Futbola atamla başlamışam. Atam da futbolçu olub. Hara gedirdisə, məni də özü ilə aparırdı. Futbol meydançasında topla oynamağı çox sevirdim. Çox gözəl hisslərdi. Braziliyada çox adlı-sanlı futbolçular var. Hamı istəyir ki, böyüyəndə böyük futbolçu olsun. Azərbaycanda bəyəndiyim şeylərdən biri də şəhər oldu. Bakı çox təhlükəsiz və fərqli mədəniyyətə malik şəhərdi. Çox bəyənirəm. Artıq üç ildi buradayam. Azərbaycan çox gözəl ölkədi və burda yaşadığıma şadam”.

“Hamımız bilirik ki, “Neftçi” böyük klubdu. Təbii ki, böyük ənənəyə malik olan Bakı klubundan təklif alanda çox sevindim. Dərhal sevincimi valideynlərimlə bölüşdüm. Təklif məni qane etdi və “Neftçi”yə keçməyə qərar verdim. “Neftçi” çox yaxşı komandadı və burda olduğum üçün çox məmnunam”.