Konfrans finalları davam edir.

Şərqin finalının ilk oyununda “Monreal” “Karolina”nı 6:2 hesabıyla məğlub etdi. MHL-in mətbuat xidmətinin yaydığı xəbərə görə, “Monreal” son 30 ildə 2-ci dəfə pley-offda ardıcıl dörd səfər qələbəsi qazanıb – komanda əvvəllər bir dəfə, yəni 2021-ci ildə bunu bacarıb. Kanada təmsilçisi builki Stenli kubokunda “Karolina”ya qədər “Baffalo” (3:2 OT, 5:1) və “Tampa-Bey”i (2:1) də səfərdə məğlub edib.

“Monreal” pley-offun ilk mərhələsində “Tampa-Bey”in (seriyada hesab 4:3), 2-ci mərhələsində isə “Baffalo”nun öhdəsindən gəlib. Bu seriyanın srağagün keçirilən 2-ci oyununda qalib gələn “Karolina” hesabı bərabərləşdirdi.

Qərbin final seriyasında isə “Veqas” “Kolorado”dan üstündü. Seryanın mayın 23-də keçirilən 2-ci oyununda maraqlı hadisə baş verdi. Belə ki, 17-ci dəqiqədə 0:1 geri düşən “Veqas” 3-cü periodda ardıcıl üç qol vurdu. Bu komanda Stenli kubokunun cari mövsümündə 3-cü periodda qazandığı əzmkar qələbələrin sayını 4-ə çatdırdı ki, bu da klub rekordudu.

Seriyanın 3-cü oyununda da inanılmaz ssenari yaşandı. İlk perioddan sonra 0:3 geri düşən “Veqas” sonda qələbə qazandı.

konfrans finalları
22 may
Karolina – Monreal 2:6 (1:4, 1:0, 0:2)
Seriyada hesab – 0:1.

23 may
Kolorado – Veqas 1:3 (1:0, 0:0, 0:3)
Seriyada hesab – 0:2.

24 may
Karolina – Monreal 3:2 OT (1:1, 1:0, 0:1, 1:0)
Seriyada hesab – 1:1.

25 may
Veqas – Kolorado 5:3 (0:3, 3:0, 2:0)
Seriyada hesab – 3:0.