Konfrans yarımfinalları çərçivəsində sonuncu oyun da keçirildi. “Baffalo”nun müqavimətini 7-ci oyunda qıran “Monreal” Şərq konfransının finalına çıxdı. “Monreal” MHL tarixində 53-cü dəfə konfrans finalına çıxdı ki, bu da mütləq rekorddu.

“Kanadiens” bu göstəricidə ən yaxın izləyicisi “Boston”dan (42) çox irəlidədi. “Monreal” konfrans finalında “Karolina” ilə qarşılaşacaq. Bu seriyada ilk oyun mayın 22-də keçiriləcək.

Qərb konfransının finalında isə “Kolorado” ilə “Veqas” münasibətləri aydınlaşdırır. Seriyanın ilk oyunu dünən keçirildi və “Veqas” qalib gəldi. Bildiyiniz kimi, konfrans qalibləri Stenli kuboku uğrunda həlledici oyunda üz-üzə gələcək.

Bu arada “Vankuver”in baş meneceri Rayan Conson baş məşqçi Adam Futla yanaşı, köməkçiləri Skott Yanq, Kevin Din və Brett Maklinin də vəzifədən azad olunduğunu elan edib. 2023-cü ilin yanvarından “Vankuver”də baş məşqçinin yardımçisi kimi çalışan Fut 2025-in mayından bəri komandaya rəhbərlik edirdi.

Buna qədər o, heç vaxt baş məşqçi kimi çalışmamışdı. 2025/26 mövsümündə müntəzəm çempionatda keçirdiyi 82 oyunda 58 xal toplayan “Vankuver” ümumi turnir cədvəlində sonuncu yeri tutub. 54 yaşlı Fut Kanada yığmasının heyətində 2002-də olimpiya çempionu olub. MHL-də “Kvebek”, “Kolambus” və “Kolorado”nun heyətində çıxış edib, sonuncu komanda ilə iki dəfə (1996, 2001) Stenli kubokunu qazanıb, oyunçu karyarasını 2011-də bitirib.

konfrans yarımfinalı
19 may
Baffalo – Monreal 2:3 OT (0:2, 1:0, 1:0, 0:1)
Seriyada hesab – 3:4.

21 may
konfrans finalı
Kolorado – Veqas 2:4 (0:0, 0:2, 2:2)
Seriyada hesab – 0:1.