Gələn mövsüm elitada oynamaq uğrunda pley-off oyununda “Qəbələ” “Mingəçevir”i üstələdi - 2:0.

Oyunsonrası mətbuat konfransında Kaxaber Sxadadze jurnalistlərin suallarını cavabladı.

- Azarkeşləri təbrik edirəm. Onlardan mövsümə görə üzr istəyirəm. Gərginlik oldu. Favorit idik. Bunu meydanda sübut etmək lazım idi. Qol vəziyyətlərindən yararlanmamaq pisdi. Rəqibin təcrübəli məşqçisi var. Ona böyük hörmətim var. Əsas üstünlükləri baş məşqçiləridi. Bura çatmaları onun əməyidi.

- Deyilənə görə, “Qəbələ”də son oyununuz idi.
- Bu sualı rəhbərliyə vermək lazımdı. Mənim müqaviləm davam edir.

- Həmkarınız hakimdən narazılıq etdi.
- Mən elə fikirləşmirəm. Böyük hesabla qələbə qazanmalıydıq.

- Komandada qalsaz, nə dəyişiklik edəcəksiz?
- Hazırda yorğunam, uçub getmək haqda düşünürəm.

- Bu gün Rza niyə oynamadı?
- Ona uğurlar arzulayıram. Milli komandaya da həmçinin. Rza qışda gəlmişdi. Formaya düşməsi üçün vaxt lazım idi, amma bizim zamanımız yox idi. Qərara gəldik ki, təcrübəliləri oynadaq.

- Aşağı pillədə qərarlaşmağın səbəbi büdcə idi, yoxsa seleksiya problemi?
- Problem var ki, sabit olmadıq. Təhlil etməliyik, oturub, səhvləri xırdamalayıq.

MÜZƏFFƏR QULUZADƏ