''Fənərbaxça''da fanatlar yeni baş məşqçinin kimliyini böyük səbirsizliklə gözləyir. Çox güclü isimlərin adları çəkilir. Jorje Jezuşun son açıqlamasından belə başa düşmək olar ki, Əziz Yıldırım ona rəsmi təklif irəli sürüb. Prezidentliyə digər namizəd Hakan Safi isə İtaliya modelinə üstünlük verir. Antonio Kontenin adı çəkilir. Paolo Maldininin də idman direktoru olacağı haqda iddialar var. Son xəbərlərə inansaq, Maldini sabah Türkiyəyə gələcək və Safi ilə birlikdə mətbuat konfransı keçirəcək! Bu arada yerli namizədlər arasında Aykut Kocaman ilə birlikdə adı ən çox hallanan isimlərdən olan İsmayıl Kartal diqqətçəkən acıqlamalar verib. Daha öncə üç fərqli dönəmdə klubu çalışdırmış Kartal bunları deyib: ''İndiyə qədər mənə nə Əziz Yıldırımdam təklif gəlib, nə də Hakan Safidən. Sonuncu ilə ümumiyyətlə həyatımda heç vaxt ünsiyyətim olmayıb. Avropadan və Ərəbistan yarımadasından iki təklif almışam. Hazırda təklifləri nəzərdən keçirirəm. ''Fənər''də işlədiyim son mövsümdə heyətimizdə yer alan Ceko və Tadiç ilə dost kimi idik. Onlarla hər mövzuda rahat şəkildə danışa bilirdim. Onlar da mənimlə danışırdılar. Tadiç adətən toplantılarda əlini qaldırıb məndən çox şey soruşurdu. Mən də hər şeyi detallı şəkildə ona izah edirdim. Mənə qarşı ''3 dəfə klubu çalışdırıb və heç birində də titul qazana bilməyib'' sözünün istifadə edildiyini tez-tez eşidirəm. Əvvəla bir titul qazandığımı unutmayaq. Birinci dönəmimdə superkubokda ''Qalatasaray''ı məğlub etmişik. Bilməyənlər varsa, bunu bilsinlər. İkinci dönəmimdə hər şey yaxşı gedərkən avtobusumuz güllələndi. Üçüncü dönəmimdə isə 99 xal toplayıb rekordlar qırsaq da, çempion ola bilmədik''.