Xəbər verdiyimiz kimi, iyunun 6-7-də “Fənərbaxça”da prezident seçkisi keçiriləcək. Çempionluğun əldən verildiyini nəzərə alsaq, camiənin diqqəti indidən həmin seçkiyə yönəlib. Əvvəlcə Əziz Yıldırımın namizəd olmayacağı güman edilirdi. Əvəzində üç mühüm iş adamı – Mehmet Əli Aydınlar, Hakan Safi və Barış Göktürkün namizədliyini irəli sürəcəyi deyilirdi. Amma bu həftə bu mövzuda çox ciddi yeniliklər yaşandı.

Hakan Safi Yıldırımla birləşmək istəmədi
Öncə qeyd edək ki, Mehmet Əli Aydınlar böyük təzyiqə tab gətirməyərək dərhal “ağ bayraq qaldırmalı” oldu. Onun camiədə sevilmədiyi son günlərdə bir daha üzə çıxdı. Məsələ burasındadı ki, Türkiyənin məşhur “Acıbadəm” xəstəxanasının qurucusu olan Aydınlar 2011-12-ci illərdə, yəni Türkiyə Futbol Federasiyasının prezidenti olduğu dönəmdə “Fənər”in haqlarını kifayət qədər müdafiə etməmişdi. “Fənər”in başında çartlayan və Fətullah Gülənin tərəfdarları tərəfindəm süni şəkildə yaradılan oyun alqı-satqısı ilə bağlı qalmaqal məhz həmin dönəmə təsadüf etmişdi.

Aydınlar əslində uşaqlıqdan “Fənər”li olmasına baxmayaraq, UEFA-nın “çaldığı hava ilə oynamış” və klubun heç bir günahı olmadığı halda Çempionlar Liqasından kənar qalmasına belə desək, imzasını atmışdı. Bu üzdən həmin vaxtdan bəri onun camiədə nüfuzu çox aşağıdı. Baxmayaraq ki, “Acıbadəm” sponsor kimi kluba milyonlar buraxır. Heç bir gənc və perspektivli yönətici Aydınların idarı heyətində yer almaq istəmyincə, ünlü iş adamı namizəd olmayacağını rəsmən açıqlamaq məcburiyyətində qaldı.

Digər mühüm olay mayın 6-da yaşandı. “Fənərbaxça”nın “xaç atası” Əziz Yıldırım prezidentliyə namizəd olduğunu rəsmən açıqladı. Özü də o, bununla kifayətlənmədi və digər namizədlərə birləşməyi təklif etdi! Qeyd edək ki, 73 yaşlı Yıldırım daha öncə 20 il (1998-2018) “sarı-lacivərdlilər”in prezidenti kimi çalışıb. Klub onun dönəmində 6-sı çempionluq olmaqla 13 titul qazanıb. Əziz Yıldırım iki dəfə - 2018 və 2024-cü illərdəki seçkidə Əli Koça məğlub olub. Onun birləşmə təklifinə Barış Göktürkdən müsbət cavab gəldi. Beləliklə, indidən Yıldırımın idarə heyətində Göktürkün yer alacağı dəqiqdi. Amma Hakan Safi birləşmə təklifini rədd etdi. Çox iddialı görünən Safi bunları dedi:

1999-cu ildən klubun rəsmi üzvü olan 53 yaşlı Safi liman sahəsi, sement istehsalı və şəkər sənayesi sektorlarında çalışır. Ötən il o, 750 milyon dollar sərvətlə Türkiyənin ən zəngin iş adamlarının siyahısında 61-ci pillədə qərarlaşmışdı. Hakan Safinin “Liverpul”dan ayrılmaq üzrə olan Məhəmməd Salahla anlaşdığı haqda iddialar var. Onun danışıqlar apardığı məşqçilər isə Xabi Alonso və Filipe Luisdi. Şayiələrə inansaq, Safi seçki günü bu iki məşqçidən birini Türkiyəyə gətirəcək.

“Qızımı hədəf almaları məni çox üzdü”
Əziz Yıldırıma gəlincə, onun başqan seçiləcəyi təqdirdə yeni transferlərə 200 milyon avroluq büdcə ayıracağı bildirilir. O, komandaya bir güclü qapıçı, bir ulduz vinger, iki yüksək səviyyəli müdafiəçi və bir dünya səviyyəli hücumçu almağı planlaşdırır. Əziz Yıldırımın klubun başına gətirmək istədiyi məşqçiyə gəlincə, bu, Aykut Kocamandı. Camiənin əfsanələrindən olan Kocaman daha əvvəl dörd mövsüm klubu çalışdırıb və bunların yalnız birində (2010/11) çempion olmağı bacarıb.

İddialar doğrudusa, Yıldırım, ümumiyyətlə, komandanın başına əfsanələri toplamaq istəyir. Çünki Volkan Dəmirəlin Kocamanın əsas köməkçisi olacağı bildirilir. “Fənər” tarixində futbolçu kimi böyük iz buraxmış daha bir isim - Oğuz Çətin isə idman direktoru vəzifəsinə gətiriləcək. Aykut Kocamanın 4,5 ildi işsiz olması diqqəti çəkir. Təcrübəli mütəxəssis 2021-in oktyabrında “İstanbul BŞ”dən ayrılandan bəri heç bir komandanı çalışdırmayıb.

Sonda Əziz Yıldırımın “Türkiyə” nəşrinə verdiyi yeni açıqlamalara nəzər salaq: