''Türkiyəni inkişaf etməkdə olan bir futbol ölkəsi adlandırmaq düzgün deyil. Türkiyə əsil böyük futbol ölkəsidi. Sadəcə bəzən ictimaiyyətdə formalaşan fikir yanlış olur və reallıqla üst-üstə düşmür. Türkiyə futbolu haqda da bunu demək olar. Bura hər gəldikdə yeni stadionları, klubları, fanatları, mətbuatın marağını, hökumətin və federasiyanın dəstəyini görmək mümkündü. Yəni normal futbol mühiti üçün hər şey var. Ən əsası isə əsil futbol atəşini hiss edirsən. Türkiyədə futbol təkcə oyun günlərində yox, hər gün önəmlidi. Bu da Türkiyə futbolunun əsas gücüdü. Amma eyni zamanda məsuliyyəti artıran məqamdı. 2019-da İstanbulda baş tutan superkubokdan razı qalmışdıqmı? Məncə, bu sualın cavabı sadədi. Razı qalmasaq, bu şəhərə təkrar-təkrar etibar etməzdik. 2019-da Avropa superkuboku və 2023-də Çempionlar Liqası finalının ardından indi də bu şəhərə AL-in finalını etibar etmişik. Bütün bunlar onu göstərir ki, Türkiyə böyük finallara uğurlu şəkildə ev sahibliyi etməyi bacarır. Təbii ki, hər finalla birlikdə standartlar da yüksəlir. Stadiona aparan yol, təhlükəsizlik, fanatların axını, giriş və çıxışların daha sürətli olması kimi sahələrdə hələ inkişaf edə bilərik. Ancaq ümumi mənzərə yetərlidi. İstanbul Avropanın ən böyük futbol şəhərlərindən biridi və bura gəlmək hər zaman insana müsbət emosiyalar bəxş edir. Coşqu, istedad, ''altyapı'', böyük klublar və xalqın bu oyunu bu qədər sevməsi Türkiyə futbolunun güclü tərəfidi. Zəif tərəfi isə səbirsizlikdi. Bir çox qərarlar duyğusal şəkildə qəbul olunur. Cəmi 3 oyundan sonra yeni layihənin uğurlu alına biləcəyi ilə bağlı şübhələr yaranmağa başlayır. Klublar uzunmüddətli düşünməyi sevmir. Əsasən bu günlə yaşayırlar. Türkiyə futbolda növbəti addımı atmaq və yeni səviyyəyə qalxmaq istəyirsə, yalnız tanınmış futbolçuları transfer etmək, eləcə də yeni stadionlar inşa etməklə kifayətlənməməlidi. Akademiyalara, məşqçilərə, hakimliyə, maddi intizama və qadın futboluna da önəm verməlidi. Gəncliyə önəm vermək hər zaman ən yaxşı variantdı. Bəli, Türkiyənin potensialı var. Amma Türkiyə özündən indi sahib olduğundan dah böyük potensial tələb etməlidi''.