Avropa Məhkəməsinin verdiyi qərardan yenidən aktuallaşan Avropa Superliqası mövzusu gündəmi zəbt etməkdə davam edir.

Avropanın əksər çempionatları və klubları sərt mövqe ortaya qoyaraq bu ideyanı dəstəkləməyiblər.

Bəs görəsən Türkiyə futbolunun və klublarının bu mövzuda mövqeyi necədi?

Türkiyə Futbol Federasiyası dərhal bəyanat yayaraq 2 il əvvəlki mövqeyinin dəyişmədiyini xatırladıb. Bu qurum 2021-ci ilin aprelində rəsmi şəkildə UEFA-nı dəstəklədiyini və Avropa Superliqasına qarşı olduğunu açıqlamışdı. Klublara gəlincə, hələ ki, yalnız 6 kollektiv rəsmi şəkildə mövqeyini ortaya qoyub. Söhbət ''Fənərbaxça'', ''Qalatasaray'', ''Beşiktaş'', ''Trabzonspor'', ''İstanbul BŞ'' və ''Sivasspor''dan gedir. Bu klublar Avropa Superliqası ideyasını dəstəkləmədiklərini açıqlayıblar. Amma Türkiyə çempionatında bu mövsüm 20 kollektiv çıxış edir. Yəni digər 14 klubun mövqeyi bəlli deyil.

Bu arada İspaniyanın ''Mundo Deportivo'' nəşrinin iddiasına görə Türkiyə klublarının bir çoxu yeni ideyanın həyata keçməsində maraqlıdı.

ƏLİ