“Neftçi”nin oktyabrda bəh-bəhlə Bakıya gətirdiyi, “ağ-qaralar”ın böyük ümid bəslədiyi Vensan Abubakar yenidən diqqət mərkəzinə düşüb.

Düzdü, bu dəfə nə qol vurub, nə də məhsuldar ötürmə verib. Diqqəti çəkməsinin səbəbi bir qədər öncə “instaqram” hesabında “Portu”nu Portuqaliya çempionu olması münasibəti ilə təbrik etməsidi.

Əslində Portuqaliya nəhəngini təbrik etməsində problem yoxdu. Problem ondan ibarətdi ki, kamerunlu ulduz formasını geydiyi, maaş aldığı “Neftçi”nin iki mövsüm sonra avrokuboklara vəsiqə qazanması münasibəti ilə heç nə paylaşmayıb.

Yeri gəlmişkən, Vensan kapitanı Emin Mahmudov daxil olmaqla, heç bir komanda yoldaşını “instaqram”da izləmir.

MÜZƏFFƏR QULUZADƏ