Karyerasını Səudiyyə Ərəbistanında davam etdirən Merih Dəmiral son paylaşımı ilə diqqət çəkib.

Məlum olduğu kimi onun şərəfini qoruduğu' Əl-Hilal'' bu yaxınlarda Asiya Çempionlar Liqasını qazanaraq ardıcıl ikinci dəfə bu mötəbər turnirin qalibi oldu. Türkiyə yığmasının üzvü mayın 16-da axşam saatlarında öz səhifəsində indiyə qədər Səudiyyə Ərəbistanında qazandığı kuboklarla birlikdə çəkdirdiyi şəkili paylaşıb. Söhbət iki Asiya Çempionlar Liqası və bir ölkə superkubokundan gedir.

İlk baxışdan burda qeyri-adi bir şey olmasa da, əslində təcrübəli futbolçu təbii ki, ''Əl-Nəssr''ə acıq vermək məqsədilə bunu edib. Çünki paylaşım Kriştiano Ronaldolu ''Əl-Nəssr''in ''Asiya Çempionlar Liqası 2''nin finalında ''Qamba Osaka''ya sürpriz məğlubiyyətindən dərhal sonra edilib. Dəmiralın ''iks''də paylaşdığı şəkilə 110 mindən çox bəyənmə, 15 mindən çox şərh gəlib!

27 yaşlı futbolçu bir müddət öncə ''Əl-Nəssr''ə qarşı baş tutan matçın ardından verdiyi açıqlamalarla Səudiyyə Ərəbistanında gündəmi zəbt etmişdi. ''Əl-Əhli''nin 0:2 məğlub olduğu həmin qarşılaşmada həm Ronaldo, həm Kinqsli Komanla sözü çəp gələn, üstəlik rəqib azarkeşlərlə mübahisə edən Merih matçın ardından hakimlərin ''Əl-Nəssr''ə yardım etdiyini bildirmişdi. Bu sözlərinə görə Səudiyyə Ərəbistanı Kral Futbol Federasiyası ona 50 min avro para cəzası və 1 oyunluq cəza vermişdi.