“Bu çox səhv yanaşmadı. Çünki çempionatın sonuna 2 tur qalıb. Lisenziyanın verilməməsi ab-havaya, motivasiyaya təsir edir. Xırda detal olsa da, görünür, orda futbola yad adamlar işləyir. Avqust-sentyabrda çempionat başlayacaq. Mövsüm bitəndən sonra bu barədə məlumat verilsəydi, daha düşüncəli addım olardı. Əsas problemimiz bəzi sənədlərlə bağlıdı. Ayyarımdı bunun üzərində çalışırıq. Həlledici oyunlar qalıb. Liqada qalmağı, yəqin ki, son turda təmin edəcəyik. Böyük ehtimalla, apellyasiya şikayəti verəcəyik. Üç ildi əziyyət çəkirik. Bizim digər komandalardan fərqli məqsədimiz var. Bizə əmanət qoyulan komandadı. Hansı şəraitlə oynadığımızı göydə Allah, yerdə özümüz bilirik. Məncə, səhv addımlar, yanlış qərarlar var. Premyer-liqa ilə aşağı liqaları bir tutmaq olmaz. Orda olan bəzi şeyləri istəyirlər. Bu səhv düşüncədi. Hər halda, verilən qərara hörmətlə yanaşmalıyıq”.