“Birinci epizodda mən başa düşmədim, köməkçi də görmədi ki, futbolçu qolunu yığır? “Kəpəz”in oyunçusunun əli yığılmış vəziyyətdə, çiyinlə paraleldi. Penalti verilib? Məncə, “davam” işarəsi olmalıydı. Top gələn anda müdafiəçi çalışır ki, əlini yığsın. Burda penaltidən söhbət gedə bilməz. Sol əlinə dəysəydi, qeyri-təbii vəziyyət olacaqdı. Amma burda belə deyil. Çəkilişdən belə görünür. İkinci epizodda isə qapıçı da topun mövqeyini itirir, top qapı istiqamətinə gedir. “Sumqayıt”ın müdafiəçisi əli qeyri-təbii vəziyyətdə boş qapıya gedən topa müdaxilə edir. Burda birmənalı şəkildə qırmızı vərəqə olmalı və penalti təyin edilməliydi. Komitədəki cənablar təyinatlarda diqqətli olmalıdı. Mövsümün yekununa az qalıb. Son turlar təcrübəli hakimlərdən çox təcrübəsizlərə təyinat verilir. Sizin vasitənizlə üzümü təcrübəsiz hakimlərə tuturam, təyinat aldıqları oyunda daha diqqətli olsunlar. Maksimum diqqətli olsunlar, onlara verilən şansdan düzgün istifadə essinlər. Kim uddu, kim uduzdu - fərqi yoxdu. Azərbaycan futbolunda hakimlik məktəbi olub, bu gün də var, sabah da olacaq. Müəyyən axsamalar ola bilər, bu da həmişə olub, olacaq. Bütün hakimlərə uğur arzulayıram. Öz hakimlərimizə güvənməliyik. Kubok və 4-cü yer uğrunda mübarizə davam edir. Diqqətli olmalıdılar”.