Silvio Baldini İtaliya yığmasında bir sıra yeniliklər etməyi lazım bilib. Milli komandanın baş məşqçi səlahiyyətlərini müvəqqəti yerinə yetirən mütəxəssis yığmada sərt qaydalar tətbiq etmək qərarına gəlib.

"Football-plus.az" xəbər verir ki, baş məşqçi yoldaşlıq oyunlarından əvvəl komandada intizamı gücləndirmək üçün bir sıra qadağaları zəruri sayıb. Belə ki, futbolçuların təknəfərlik otaqlarda qalması qadağan edilib. Bundan sonra oyunçular ünsiyyəti artırmaq üçün otaqları bölüşməli olacaqlar. Həmçinin gündəlik çəkiyə və səhər yeməyinə vaxtında qatılmaqla bağlı qaydalara ciddi nəzarət ediləcək.

Baldini İtaliya yığmasından istefaya göndərilən Cennaro Qattuzonun səlahiyyətlərini icra edir. DÇ-2026-nın final mərhələsinə vəsiqə qazana bilməyən milli komanda iyunda iki yoldaşlıq oyunu keçirəcək.