"Kəpəz" Misli premyer-liqasının 29-cu turunda "Şamaxı"ya uduzdu - 0:2.

"Football-plus.az" xəbər verir ki, "sarı-göylər"in baş məşqçisi oyunsonrası mətbuat konfransında jurnalistlərin suallarını cavabladı.

- Ardıcıl dörd turda məğlub olmaq komandanı pis duruma salıb. Bu gün qələbə qazanmaq istəyirdik. Sadəcə diqqətsizlik qolla nəticələnir. "Şamaxı"nı təbrik edirəm. İkinci hissədə biz daha üstün idik. Qol da vurduq. Şakir Seyidovun top itkisi qolla nəticələndi. Orta xətdə səhv etməməli olduğumuzu demişdik. Təəssüf ki, səhvlər təkrarlanır və üzücü məğlubiyyətlər alırıq.

- Kənardan görünür ki, müəyyən təzyiqlər var. Komandada nə baş verir? Rəhbərliyin dəstəyini hiss edirsiz?
- Hər şeyi görən Allahdır. İşimi vicdanla görməyə çalışıram. Kimin arxada nə iş görməsi, məşqçi olaraq mənim düşüncəmdə zərrə qədər yoxdu. Kim nə iş görür, bilmirəm. Hər kəs cavabını gec-tez alacaq. Mənim üçün Allah yetər. Rəhbərliyin dəstəyini hiss edirəm. Komandanın içində olublar, motivasiya veriblər.

- Bu gedişlə 1-ci liqada 2-ci yeri tutan komanda ilə qarşılaşacaqsız...
- Qarşıda 4 tur var və pley-off haqda fikirləşmək istəmirəm.