"Kəpəz" Misli premyer-liqasının 13-cü turu çərçivəsində "Zirə"yə uduzdu - 0:2.

"Football-plus.az" xəbər verir ki, "sarı-göylər"in baş məşqçisi Azər Bağırov oyunsonrası mətbuat konfransında jurnalistlərin suallarını cavablandırdı.

- Mənim üçün çox maraqlı oyun oldu. Meydanda yaxşı mübarizə getdi. Birinci hissədə meydanda 7 yerli futbolçumuz var idi. Bu, yerli futbolçuların inkişafı üçün çox yaxşıdı. İkinci hissədəki kiçik səhvlərə görə uduzduq. Həmişə deyirəm, belə səhvlər etməməliyik. Əksinə rəqibi səhv etməyə məcbur etməliyik. "Zirə"ni təbrik edirəm.

- Zədəli futbolçuların durumu necədi?
- Mahamadu Banın zədəsi bir həftə çəkər. Luis Paçunun növbəti oyuna hazır olacağını düşünürəm. Sadiq Şəfiyev iki gün sonra məşqlərə başlayacaq.

- Kaçper Rosa ilə yollar ayrılıb?
- Yox. Hələ ki bizimlədi.

- Rəqibin aqressiv olduğunu demək olar?
- Oyun sərt keçdi, mənim üçün çox maraqlı oldu. Elə də kobudluq olmadı. Futbol belə mübarizələrlə yadda qalır.

- Meydançanın durumu ilə bağlı nə deyə bilərsiz?
- Reallıq budu ki, bununla kifayətlənməliyik. Meydança yenidi. Tədricən istədiyimiz vəziyyətə gələcək. Avropada da süni örtüklü meydançalarda yarışlar keçirilir.

- Şahmar Aşurovu gələcəkdə daha çox oynatmağı düşünürsüz?
- Şahmar çalışqan futbolçudu. Çalışqanlığı onun bu gün həyətdə olmasının səbəbidi. Çatışmayan cəhətləri var.