Uzun müddətdi “Beşiktaş”ın gündəmində olduğu deyilən “Mançester Yunayted”in türkiyəli qapıçısı Altay Bayındırın transferi mövzusunda yeni xəbərlər var.

Həftəiçi İngiltərə mətbuatında “Beşiktaş”la “Yunayted” arasında Altayın transferi mövzusunda ilkin razılıq əldə olunması barədə xəbərlər yayılmışdı. Hər halda, bu mövzuda qışda da xəbərlər var idi. İstanbul nəhənginin qış “transfer pəncərəsi”nin bağlanmasına qısa müddət qalmış mankunianlara rəsmi təklif irəli sürdüyü bildirilmişdi. Ancaq hazırda jurnalist və aparıcı kimi fəaliyyət göstərən “Beşiktaş”ın sabiq yönəticisi Candaş Tolqa İşık son iddiaları qətiyyətlə təkzib edib. O, son paylaşımında bunları yazıb:

Bu arada Türkiyə mətbuatında bu mövzuda yeni bir iddia ortaya atılıb. “Sözcü” nəşrinin yazdığına inansaq, “Beşiktaş” rəhbərliyi baş məşqçi Sərgən Yalçının tələbi ilə Altay Bayındırdan birdəfəlik vaz keçmək qərarına gəlib! Yalçının fikrincə, Altay komandanın indiki qapıçısı Ərsin Destanoğlu ilə eyni özəlliklərə sahibdi. Bu üzdən onun transferinə ehtiyac yoxdu.

53 yaşlı mütəxəssis ayaqla yaxşı oynamağı və arxadan oyun qurmağı bacaran bir qapıçının transfer olunmasını istəyir. Bu üzdən klub müəyyən araşdırmadan sonra diqqətini “Vulverhemtpon”lu Joze Saya yönəldib. 33 yaşlı bu qapıçı ayaqla yaxşı oynamaqdan savayı güclü refleksə malikdi. Hava toplarında da özünü inamlı hiss edir. Portuqaliyalı əlcək sahibinin “canavarlar”la 2027-yə qədər müqaviləsi olsa da, klubun 1 ayağı artıq çempionşipdədi. Ona görə də onun “Vulverhempton”dan ayrılmaq ehtimalı yüksəkdi.

Sa bu mövsüm premyer-liqanın autsayderində 21 rəsmi oyunda forma geyib. 38 top buraxıb və bu oyunların yalnız 4-də qapısını toxunulmaz saxlayıb. Yayda qapıçı transferi üçün 15 milyon avroluq büdcə ayırmağı planlaşdıran “Beşiktaş”ın Sanı təxminən 10 milyon avroya transfer edə biləcəyi vurğulanılır.