“Haqlısız, “Qarabağ” bu dəfə də “Sabah”ı məğlub edə bilmədi. Bunun müxtəlif səbəbləri ola bilər. Kompleks olduğunu deyə bilmərəm. “Qarabağ”ın yetərincə zəngin təcrübəsi var. Bu təcrübə futbolçulara belə durumlarda kömək edə bilir. Bunu demək olar ki, daxili çempionatda “Qarabağ” bu qədər məğlubedilməz rəqiblə üz-üzə gəlməmişdi. Bir dəfə uduzduğu komandanı növbəti oyunda məğlub edə bilirdi, “Sabah”ın qapısına yol tapa bilməmək problemi olmurdu. Heyətlə bağlı rotasiya imkanının olması da önəmli amildi. Məsələn, “Sabah”ın hücumçusu Şafranko zədələnəndən sonra onu əvəzlədilər, yoxluğu hiss olunmadı. “Qarabağ”da belə olmadı. Yaxud bir futbolçu yorulanda onun yerinə meydana çıxan oyunçu o effekti vermirdi. ÇL-də oynayandan 3 gün sonra çempionat oyununa eyni heyətlə çıxmırsan, kimlərisə dəyişməlisən. Bu halda da dəyişilən oyunçular əsas heyətdəkilər qədər xeyir vermirdi. ÇL-in yükü bəlkə də “Qarabağ”a bir qədər ağır gəldi, iki cəbhədə mübarizə aparmaq çətin oldu. Bunun kompleks olduğunu demək düzgün deyil. “Sabah”ın bu oyunda da qələbə qazanması çempionluq uğrunda atılan ən böyük addımdı. Məncə, bunun geridönüşü yoxdu. “Qarabağ” da bunu qəbul edib. Fövqəladə nəsə baş verməsə, “Sabah” artıq çempiondu”.