“Lester” azarkeşləri böyük məyusluq içindədilər.

"Football-plus.az" xəbər verir ki, komanda İngiltərə çempionatının 3-cü divizionuna düşüb. “Lester” çempionşipin 44-cü turunda “Hall Siti” ilə heç-heçə edib (2:2) və indi 42 xalla turnir cədvəlinin 23-cü pilləsində qərarlaşıb. Müntəzəm çempionatın sonuna 2 tur qalmış 21-ci yerdə olan “Blekbern” 49 xala malikdi. Bu isə “Lester”in liqada qalmaq şansını itirməsi deməkdi.

Ötən mövsüm İngiltərə premyer-liqasında çıxış edən “Lester” 25 xalla 18-ci yeri tutaraq aşağı liqaya yuvarlanmışdı. Cari ilin fevralında isə klub maliyyə qaydalarını pozduğuna görə 6 xal itirmişdi.

Xatırladaq ki, “Lester” 2015/16 mövsümündə Klaudio Ranerinin rəhbərliyi altında İngiltərə çempionu olub.