Neymar doğma klubunda fitə basıldı
Braziliya çempionatının son turunda ''Santos''un evdə ''Fluminense''yə 2:3 məğlub olduğu qarşılaşmada Neymarın fitə basılması diqqət çəkib.
34 yaşlı ulduz həm matçın sonlarında, həm də final fitinin ardından bütün stadion tərəfindən güclü fitə basıldı. Neymar hətta meydanı tərk edərək dəhlizə yollanarkən barmaqları ilə qulaqlarını tıxaması diqqətdən qaçmadı. Bu hərəkəti ilə o, fit səslərini eşitmək istəmədiyini göstərdi.
''Santos'' onun üçün doğma olan və futbola başladığı bir klubdu. Ona görə də ''sambaçı''ya qarşı bu hərəkət müzakirələrə səbəb olub. Neymar özü isə sosial şəbəkədəki paylaşımında bunları yazıb:
''Bir qulaq qaşıntısını açıqlamaq məcburiyyətində qaldığım gün də gəlib çatdı! Bəylər, düzünü desəm, çox irəli gedirsiz və artıq çərçivələri aşırsız. Bunları yaşamaq məcburiyyətində qalmaq çox üzücüdü. Heç bir insan buna dayana bilməz''.
''Barselona'', PSJ və ''Əl-Hilal'' dönəminin ardından ''Santos''a qayıdan Neymar ötən mövsüm komandanın elitada qalmasında mühüm rol oynamışdı. Ancaq bu mövsüm onun üçün çətin keçir. 9 matçda 4 qol, 3 məhsuldar ötürmə ilə fərqlənməsinə baxmayaraq bu performansı komandasını bataqlıqdan çıxarmağa kifayət etmir. '
"Santos'' çempionatda bu mövsüm 12 oyuna cəmi 3 qələbə qazanıb. Komanda hazırda 15-ci pillədədi və düşmə zonasından yalnız 1 xal öndədi.
Digər xəbərlər
