“Barselona”nın hücumçusu Rafinya “Atletiko” ilə cavab oyunundan sonra hakimlərin idarəçiliyinə sərt etiraz edib.
"Football-plus.az" xəbər verir ki, braziliyalı futbolçu komandasına münasibətdə haqsızlıq edildiyini bildirib:
“Hesab edirəm ki, bu, bir soyğun idi. Bizi tam soydular. Qalib gəlmək üçün üçqat çox səy göstərməli olduğunu görmək çox ağırdı. “Atletiko”nun nə qədər qayda pozuntusu etdiyini bilmirəm... Hakim isə bir dəfə də sarı vərəqə göstərmədi. Hakimlərin “Barsa”ya qarşı standartlarının necə olduğunu həqiqətən anlamaq istəyirəm. Hakimlərin “Barsa”nın qələbələrindən niyə qorxduğunu çox bilmək istəyirəm”.
Hakimləri qarətdə ittiham edən belə sərt açıqlamalara görə futbolçular UEFA tərəfindən ən yaxşı halda üç oyunluq cəzalandırılır.