Xavi Ernandesin aqibəti müəyyənləşib.

“Barselona”nın baş məşqçisi 2 oyunluq cəza alıb. Buna onun La Liqanın “Atletiko” ilə son matçında qırmızı vərəqə alması səbəb olub. Xavi martın 30-da “Las Palmas” və aprelin 13-də “Kadis”lə keçiriləcə matçlarda texniki zonada görünməyəcək.
Xatırladaq ki, martın 17-də “Atletiko” ilə Madriddə baş tutan oyun “Barselona”nın 3:0 hesablı qələbəsi ilə sona çatmışdı.

Xavi 41-ci dəqiqədə hakimdən narazılığını sərt şəkildə bildirdiyi üçün sarı vərəqə almış, baş məşqçi bir neçə dəqiqə sonra daha bir oxşar fola görə yenidən hakimə qışqırmışdı. Referi dərhal Xaviyə birbaşa qırmızı vərəqə göstərmişdi.