Amerikalı boksçu Floyd Meyvezer (kiçik) özəl təyyarənin icarəhaqqını ödəməməkdə ittiham olunur. Bununla bağlı xəbəri “Complex” nəşri yayıb.

"Football-plus.az" xəbər verir ki, bu nəşrin iddiasına görə, “Jet Set Aircraft” şirkəti 2025-ci ilin sentyabrında Terks və Kaykps adasına çarter reysi ilə uçuşun pulunun ödənilməməsinə görə idmançı ilə bağlı Los-Anceles dairə məhkəməsində 105 min dollarlıq iddia qaldırıb.

Bir müddət əvvəl “Business Insider” nəşri də 49 yaşlı boksçunun Amerikanın vergi xidmətinə 7,3 milyon dollar borclu olması haqda xəbər yaymışdı. Belə nəhəng məbləğ 2018-23-cü illər aralığında yığılıb. Həmin iddia martda məhkəməyə ünvanlanıb.

Xatırladaq ki, Meyvezer fevralda karyerasını bərpa etdiyini bu il üç döyüş keçirməyi planlaşdırdığını bildirib. O, beş çəki dərəcəsində boks üzrə sabiq dünya çempionudu. Amerikalı peşəkar rinqdə keçirdiyi 50 döyüşün hamısında qələbə qazanıb.