İtaliya və dünya futbolu ilə bağlı kəskin tənqidi fikirləri ilə tanınan Aurelio De Laurentis, necə deyərlər, öz işindədi. O, futbol ictimaiyyətini növbəti dəfə təəccübləndirib.

"Football-plus.az" xəbər verir ki, “Napoli”nin prezidenti futbol qaydalarında radikal dəyişikliklər təklif edib. Klub rəhbəri 90 dəqiqəlik klassik sistemin ləğv edilməsini, matçların hər biri 25 dəqiqə olmaqla, cəmi 50 dəqiqə oynanılmasını zəruri sayır. O, bu dəyişikliyin oyunun tempini artıracağını bildirib.

Digər diqqətçəkən təklif isə sarı və qırmızı vərəqələrin ləğv edilməsi ilə bağlıdı. Təklifə görə, futbolçular qaydaların pozulma dərəcəsindən asılı olaraq, müəyyən müddətə meydandan kənarlaşdırıla bilərlər. Belə ki, De Laurentis sarı vərəqəlik epizodlarda 5 dəqiqə, ciddi qayda pozuntularında isə 20 dəqiqəlik cəza tətbiq olunmasını uyğun hesab edib.

Qeyd edək ki, onun bu ideyaları dünya futbol ictimaiyyətində geniş müzakirələrə səbəb olub