İtaliyanın hüquq-mühafizə orqanı Viktor Osimhenin “Napoli”yə transferini araşdırır. Bu səbəbdən klubun prezidenti Aurelio De Laurentis Roma Prokurorluğuna izahat verəcək.

Klubun rəsmi “X” səhifəsinin yaydığı məlumata görə, o, bu addımı komandanın hücumçusunun keçidi ilə bağlı mümkün mühasibat saxtakarlığı üzrə aparılan istintaq çərçivəsində atacaq: “Aurelio De Laurentiis futbolçu Viktor Osimhenin transferi ilə bağlı davam edən istintaqa cəlb olunan şəxs kimi Roma Prokurorluğundan dinlənilməsini xahiş edib və buna nail olub.

İtaliya klubunun prezidentinə qarşı istintaq 2023-cü ilin iyununda başlayıb. Onda Neapol prokurorları “Napoli”nin ofisində müqavilə ilə bağlı sənədlərin axtarışını reallaşdırmışdılar. Xatırladaq ki, klub nigeriyalı futbolçunu 2020-ci ilin yayında “Lill”dən 76 milyon avroya alıb.