Raul Asensionun səhhəti ilə bağlı rəsmi açıqlama yayılıb.

"Football-plus.az" xəbər verir ki, “Real”ın mətbuat xidmətinin məlumatına görə, bir müddət əvvəl ispaniyalı futbolçunun səhhətində yaranan problemlərə görə iki həftə ərzində 6 kiloqram çəki itirdiyi bildirilmişdi. Madrid klubunun yaydığı bəyanatda gənc oyunçuya bakterial enterokolit diaqnozu qoyulduğu təsdiqlənib.

Beləliklə, məcburi istirahətə yollanan Raul Asensio komandanın növbəti matçında oynaya bilməyəcək.

“Real” sabah İspaniya La Liqasında öz meydanında “Alaves”lə qarşılaşacaq.

Qeyd edək ki, komanda hazırda turnir cədvəlində lider “Barselona”dan 9 xal geri qalır.