''Beşiktaş''la bağlı zədə xəbəri var. İstanbul nəhənginin yarımmüdafiəçisi Kartal Yılmaz dünənki məşqdə zədələnib.

"Football-plus.az" xəbər verir ki, topuğundan zədə alan və məşqi yarımçıq tərk etməli olan bu futbolçu tibbi müayinədən keçirilib.

Klubdan verilən açıqlamada Kartalın topuq vətərlərindən zədə aldığı və müalicəsinə dərhal başlanıldığı qeyd olunub. Onun əməliyyat olunmaq ehtimalı var. Klubdan futbolçunun hansı müddətə sıradan çıxması barədə məlumat verilməsə də, Türkiyə mətbuatının və ''TRT Spor''un xəbərinə inansaq, 25 yaşlı oyunçu bu mövsüm bir daha yaşıl meydanlarda görünməyəcək. Kartal Yılmaz ''Beşiktaş''ın öz yetirməsidi.

Daha öncə icarə əsasında ''Ümraniyəspor'' və ''Kayserispor''da forma geymiş futbolçu ''ağ-qaralar''da əsas heyət üzvü sayılmır. Bu mövsüm o, 23 rəsmi oyunda iştirak edərək aktivinə 2 qol, 2 məhsuldar ötürmə yazıb.