“Qalatasaray”ın çempionluq yarışında bir addım öndə olduğunu düşünürəm. Rəqiblərlə müqayisədə daha oturuşmuş və səviyyəli heyətə malikdi. Hər nə qədər Osimhensiz çətinlik çəksələr də, bir çıxış yolu tapacaqlarını düşünürəm. Osimhen olanda komanda daha hərəkətli oynayır. Digər futbolçuların da faydalılığı artır. İkardi artıq əvvəlki gücündən uzaqdı. O, Osimhen qədər hərəkətli deyil. Bu üzdən yüksək tempə alışan digər futbolçular da onunla oynadıqda özlərini yaxşı tərəfdən göstərə bilmirlər. Məşqçilər korpusunu yalnız bu məsələyə, yəni bütün futbolçuları fiziki cəhətdən tam hazır vəziyyətdə saxlaya bilmədiyinə görə tənqid edə bilərik. Okan Buruk ya İkardinin fiziki cəhətdən maksimum səviyyəyə çatmasına nail olmalı, ya da Osimhen oynamadıqda başqa bir sistem fikirləşməli idi. Başqa bir plan olmadığı üçün də Osimhenin yoxluğu ciddi problem yaradır. Dediyim kimi Okan Buruku yalnız bu mövzuda tənqid etmək olar. Amma qalan bütün məsələlərdə işinin öhdəsindən mükəmməl gəlir. Onu tənqid edərkən də ədalətli və vicdanlı olmaq lazımdı. Mən də vaxtilə “Qalatasaray”ın başında eyni tənqidlərə məruz qalmışdım. Bu üzdən tam yüksəlişə keçdiyimiz bir anda klubdan ayrılmaq məcburiyyətində qalmışdım. Öz insanımıza dəyər vermirik və çox sərt davranırıq. Halbuki Okan Buruk ardıcıl 4-cü çempionluğa doğru gedir. Hətta onun ardıcıl 5-ci çempionluğu qazanıb Fatih Terimin rekordunu yeniləməsini də istərdim. Rekordlar qırılmaq üçün mövcuddu. Buna ən çox Terim özü sevinər”.