''Qalatasaray'' bu mövsüm həm sərgilədiyi oyun, həm də qazandığı qələbələrlə fərq yaratmağı bacarır.

10 tura 28 xal toplayaraq tarixinin ən uğurlu başlanğıc rekordunu təkrarlayan ''Cim-Bom'' prinsipial rəqibləri ''Fənərbaxça'' ilə ''Beşiktaş''dan 1 oyun artıq keçirməklə 8 xal öndədi. ''Sarı-qırmızılar'' əmin addımlarla ardıcıl 3-cü çempionluğa doğru irəliləyir. Bu mövsüm artıq Kadıköydə ''Fənərbaxça''nı 3:1 məğlub edən ''Qalatasaray'' son turda fanatları önündə ''Beşiktaş''ı da üstələməklə önəmli bir göstəriciyə nail oldu. Komanda son 44 ildə cəmi 4-cü dəfə mövsümün ilk dövrəsində həm ''Fənər''i, həm də ''Qartal''ı yenməyi bacardı.

İşin diqqət çəkən tərəfi odu ki, əvvəlki 3 belə halın hamısında komanda sonda çempion olub! 2022/23-də yenə də Okan Burukun dönəmində ''Qalatasaray'' ilk dövrədə ''Beşiktaş''ı öz meydanında 2:1, ''Fənər''i səfərdə 3:0 yenmiş və çempion olmuşdu. 2014/15-ə komanda italiyalı Çezare Prandelli ilə başlamış və ''Fənərbaxça'' üzərində evdəki ilk oyunda 2:1-lik qələbə qazanmışdı. Prandellinin istefaya göndərilməsindən sonra baş məşqçi postuna Həmzə Həmzəoğlu gəlmiş və ''Beşiktaş''la səfər oyununda 2:0-lıq qələbə əldə olunmuşdu. O mövsümün sonunda da ''Aslan'' Həmzəoğlu ilə çempion olmağı bacarmışdı. Və nəhayət, ''Qalatasaray'' 1999/00-də də bu uğuru yaşamışdı.

Komanda o vaxt Fatih Terimin başçılığı altında ilk dövrədə əvvəlki stadionu ''Əli Sami Yen''də ''Beşiktaş''ı 1:0, Kadıköydə ''Fənər''i 2:1 yenmiş və sonda ardıcıl 4-cü çempionluğunu bayram etmişdi.

ƏLİ