Polşanın Katovitse şəhərində 2027-ci il Dünya Kubokuna seçim xarakteri daşıyan qitə birinciliyi start götürüb.

Bu yarışda vəsiqə qazanmaq üçün ilk “20-liy”ə düşmək lazımdı. Turnirə ölkəmizin 10 şahmatçısı qatılıb. Bunlar Aydın Süleymanlı, Məhəmməd Muradlı, Nicat Abasov, Riad Səmədov, Xaqan Əhməd, Xəzər Babazadə, Şiroğlan Talıbov, Vüqar Manafov, Şahin Vəliyev, Ümid Aslanov, Gövhər Beydullayeva, Süleyman Süleymanlı və Əli Zuqanovdu.

Artıq iki tur arxada qalıb. İlk turda 13 azərbaycanlıdan 10-u - Aydın Süleymanlı, Məhəmməd Muradlı, Nicat Abasov, Riad Səmədov, Xəzər Babazadə, Vüqar Manafov, Şahin Vəliyev, Ümid Aslanov, Gövhər Beydullayeva və Süleyman Süleymanlı qələbə qazanıb. Azərbaycan derbisində Şiroğlan Talıbovla Əli Zuqanov heç-heçə edib, yeganə məğlubiyyəti isə Xaqan Əhməd alıb.

2-ci turda da Azərbaycan derbisi gerçəkləşib: ölkə çempionu Məhəmməd Muradlı Şahin Vəliyevi məğlub edib. Həmçinin Nicat Abasov, Aydın Süleymanlı, Riad Səmədov, Xəzər Babazadə, Şiroğlan Talıbov və Xaqan Əhməd də qələbə qazanıb. Gövhər Beydullayeva, Ümid Aslanov və Əli Zuqanov heç-heçə edib, Vüqar Manafov və Süleyman Süleymanlı məğlubiyyətlə barışıb.

İlk iki turdan sonra ölkəmizin beş təmsilçisi – Aydın Süleymanlı, Muradlı, Abasov, Səmədov və Babazadə maksimum nəticə göstərib. 11 turdan ibarət Dünya Kubokuna aprelin 19-da yekun vurulacaq.