Legioner həyatı yaşamaq eşqi ilə Kosovoya yollanan, bir dəqiqə də şans qazana bilməyən Yusif İmanov noyabrda “Kəpəz”ə keçdi. Qapıçı yığmanın son toplanışına çağrılmadığı üçün baş məşqçi Ayxan Abbasov qınaq obyekti oldu.

Ayxan bəyin qapıçılarla bağlı yanlış qərarı var - anladıq. Amma Yusif də yox da… Əlirza Müştəbazadə olardı, Mehdi Cənnətov olardı, Yusif niyə? Hazırda çempionatdakı ən zəif qapıçı odu. Bəli, Yusif elitanın ən zəif kiperidi. Onun səhvlərinə görə gəncəlilər neçə qol buraxıb. Deyəsən, “Qarabağ”la oyundan əvvəlki son iki oyunda Yusifin məhz səhvlərinə görə ehtiyatda qalması unudulub.

Bir sözlə, Ayxan Abbasov doğru qərar verib - Yusif milliyə layiq deyil.

MÜZƏFFƏR QULUZADƏ