Yusif İmanov “Malışeva” ilə anlaşdı! – bəs “Sabah”la müqavilə?
“Sabah”dan qalmaqallı şəkildə ayrılan, bu klubla müqaviləni birtərəfli qaydada pozan Yusif İmanov bu gün özünə yeni iş yeri tapdı.
Gənc qapıçı bundan sonra Kosovonun “Malışeva” klubunun uğurları üçün çalışacaq. Artıq onun vəkili Elcan Həsənli sosial şəbəkədə bununla bağlı paylaşım edib:
“İki aya yaxındı Yusif İmanovun yanında olduq və onun gələcək karyerası üçün Emil Əsədovla birlikdə ən yaxşısını etməyə çalışdıq. Mən hər zaman azərbaycanlı futbolçularımızın yanındayam və onların hüquqlarını müdafiə etmək mənim üçün şərəfdi. Gələcək karyeranda uğurlar, Yusif İmanov”.
Qeyd edək ki, artıq “Malışeva”d bu transferi rəsmən açıqlayıb. Bəs Yusifin dünənə qədər məxsus olduğu “Sabah”ın mövqeyi necədi, qapıçının transfer vərəqi özünə verilibmi? Paytaxt klubunun mətbuat xidmətinin rəhnəri Elnur Həmidov: “Hələ ki bu istiqamətdə hər hansı qərar verilməyib. Gələcəkdə bu məsələ ilə bağlı addımlar hüquqi prosedurlara əsasən atılacaq”.
MÜZƏFFƏR QULUZADƏ
Digər xəbərlər
