''Belə zədələr mənim üçün yenilik deyil. Bundan da betərini yaşamışam. Siz də bilirsiz ki, mənim üzümə dəmir qoyublar. Həmin vaxt üzümdə 18 əməliyyat keçirdim və indiyə qədər də sağ tərəfimlə yemək yeyə bilmirəm. Ona görə də bu qırıq mənim üçün ciddi bir şey deyil. Amma əməliyyat olunmalıyam. Maksimum 5-6 həftə oynaya bilməyəcəm. Müalicənin ilk 4 həftəsi çox önəmlidi. Sonrakı iki həftə fərdi məşqlər keçib fiziki durumumu bərpa etməyə çalışacam. ''Qalatasaray'' mənim üçün bir klubdan daha artığıdı. Yollarımızın kəsişməsi qismətdi. Ayağını bu kluba basan kimi onun böyüklüyünü fərq edirsən. Xüsusilə gənc oyunçuların bu forma üçün necə tər tökdüklərini, bu emblemə necə bağlı olduqlarını görürsən. Daha öncə yaşamadığım həqiqi sevgini burda yaşadım. Futbolda oyunçulara hər zaman bu cür sevgi göstərilmir. Bəzən hətta 10-20 il oynayan futbolçular da belə sevgi görmür. Amma mən kluba aid olmaqdan çox sanki klub mənə aiddi. Bizim bir ənənəmiz var. Hər oyundan sonra əlləri yuxarı qaldırıb 3 dəfə eyni hərəkəti edirik. Buna ''üçlü'' deyirlər. Hətta qızım da bunu çox gözəl yerinə yetirir. ''Liverpul''lu oyunçular mənə mesaj göndərdilər. Konate də ''instaqram''da mesaj atmışdı. Zədəmin ciddi olduğunu bilmirmiş. Mənə xəsarət yetirmək istəmədiyini dedi. Amma az öncə də dediyim kimi əvvəlki zədələrimlə müqayisədə bu, heç nədi. Həmin epizodda top mənə tərəf gəldiyindən diqqətim tamamilə topda idi. Əlim boşluqda idi. Konate dizini qaldıranda əlim onu dizinə dəydi. Əvvəlcə qırıldığını hiss etmədim. Düşünürdüm ki, ağrılar yavaş-yavaş keçəcək. Amma qaçmaq istədikdə qolum ağırlaşırdı. Sanki yerə düşəcəkdi. Bir neçə dəfə ora-bura qaçdım və fikir verməməyə çalışdım. Amma alınmadı''.