Leni Yoro başına iş açıb. “Mançester Yunayted”in oyunçusu sürət həddini kobud şəkildə aşdığına görə 6 ay müddətinə sürücülük vəsiqəsindən məhrum olunub.

"Football-plus.az"ın məlumatına görə, hadisə 2025-ci ilin avqustunda Mançesterin Uitinqton qəsəbəsində baş verib.

Kameralar futbolçunun idarə etdiyi avtomobilin təxminən 115 km/saat sürətlə hərəkət etdiyini qeydə alıb ki, bu da icazə verilən limiti təxminən 2,5 dəfə üstələyib. Vəkilləri Leninin adından üzr istəyərək bildiriblər ki, yol boş olub və o, dostunu dəmiryolu stansiyasına çatdırmağa tələsib.

Bununla belə, futbolçu məhkəmənin qərarına etiraz etməyib.