"Neftçi" basketbol komandası baş məşqçi Vitali Stepanovski və köməkçi məşqçi Oleq Qonçarovla yollarını ayırıb.

"Football-plus.az" xəbər verir ki, ukraynalı mütəxəssislərlə müqaviləyə qarşılıqlı razılaşma əsasında xitam verilib. Bu barədə klub sosial şəbəkə hesabında məlumat yayıb.

Klub göstərdikləri xidmətlərə görə onlara minnətdarlığını bildirib və gələcək fəaliyyətlərində uğurlar arzulayıb.

Qeyd edilib ki, ”Neftçi”də baş məşqçi funksiyasını hələlik köməkçi məşqçi, gürcüstanlı mütəxəssis Daviti Çivçivadze yerinə yetirəcək.