"Qarabağ"ın qapıçısı Mateuş Koxalskinin Misli premyer-liqasının 20-ci turunda "İmişli"yə qarşı keçirilən oyundan əvvəl olan məşqdə zədələndiyini yazmışdıq. Bu səbəbdən onun Çempionlar Liqasının pley-off mərhələsində "Nyukasl"a qarşı baş tutacaq matçda oynayıb-oynamayacağı sual altında idi.

"Football-plus.az" xəbər verir ki, bu məsələyə aydınlıq gəlib. Əldə etdiyimiz məlumata görə, polşalı qapıçı zədəsini tam sağaldıb. Komandanın dünən oyundan əvvəl keçirdiyi son məşqində iştirak edən "əlcək sahibi" meydana çıxmağa hazırdı! Baş məşqçi Qurban Qurbanovun təcrübəli qolkiperə start heyətində şans verəcəyi gözlənilir.

Xatırladaq ki, bu gün "Tofiq Bəhramov"da keçiriləcək oyun saat 21.45-də başlayacaq.

KƏNAN BAHADIR