Misli premyer-liqasının 19-cu turunda “Karvan-Yevlax” Bakıda “Turan Tovuz”a məğlub oldu - 0:1.

“Footbaıl-plus.az” xəbər verir ki, oyunsonrası mətbuat konfransında qonaqların baş məşqçisi Fizuli Məmmədov media önünə çıxıb.

- Rəqibi yaxşı təhlil etmişdik. Bu oyuna yaxşı hazırlaşmışdıq. Hər futbolçum əlimdən gələni etdi. Belə oyunla uğur qazanmaq olar. Bir epizodda müdafiəçimizin dizinə açıq ayaqla müdaxilə oldu. “Turan Tovuz”un uğuruna kölgə salmaq istəmirəm, keyfiyyətli komandadı.

- Deyirsiz ki, belə oyunla uğur qazanacağıq. Nə vaxt?
- Növbəti oyunda.

- Sizin üçün uğur yanlız qələbədi? Bəs elitada qalmaq?
- Uğur qələbədi. Son iki oyunda istədiyim əzmkarlığı görə bilmirdim. Bu oyunda keyfiyyət də var idi. Futbolçularım yaxşı hazırlaşmışdı.

- Kubokda oynamamaq xeyrinizə oldu?
- Vaxtımız oldu ki, rəqibi təhlil edək. Bu oyunda elə də boşluqlar olmadı.

- Araz Abdullayev niyə oynamadı?
- Ayağında zədəsi var idi.

MÜZƏFFƏR QULUZADƏ