Bədii gimnastika üzrə 2024-cü il Rusiya və gənclər arasında üçqat dünya çempionu Lalə Kramarenko neytral idmançı statusu (AIN) alıb.

"Football-plus.az" xəbər verir ki, bu barədə Beynəlxalq Gimnastika Federasiyasının (Dünya Gimnastikası) mətbuat xidməti məlumat verib. Daha əvvəl Kramarenkonun cari mövsüm üçün Rusiya milli komandasına daxil edilmədiyi bildirilmişdi. O, ötən il peşəkar idmana qayıtmaq qərarını açıqlayıb.

21 yaşlı Lalə Avropa çempionu (2021), gənclər arasında dünya (2019) və Avropa çempionudu (2018). Kramarenko 2024-cü ildə bədii gimnastika üzrə Rusiya çempionatında beş qızıl medal qazanıb. O, “Neftçi”nin əfsanəvi qapıçısı Sergey Kramarenkonun nəvəsi, tanınmış qolkiper Dmitri Kramarenkonun qızıdı.