“Kəpəz”in bıçaqlanan futbolçusu Veysəl Rzayev reanimasiya şöbəsindən cərrahiyyə şöbəsinə köçürülüb.

Bu barədə “Football-plus.az”a oyunçunun müalicə aldığı 3 saylı Gəncə şəhər xəstəxanasının həkimi, ümumi cərrah Etibar Abbasov məlumat verib.

Etibar bəyin sözlərinə görə, Veysəlin müalicəsi davam etdirilir. Onun durumu sabitdi. Futbolçu normal qaydada qidalanmağa başlayıb. Həmçinin nitqində hansısa qüsur yoxdu. Danışmaqda, fikirlərini ifadə etməkdə çətinlik çəkmir. Hadisələrin axarı belə davam etsə, futbolçunun yaxın 3-4 gün ərzində evə buraxılacağı proqnozlaşdırılır.

Xatırladaq ki, Veysəl fevralın 3-də Gəncədə bıçaqlanmışdı.

KƏNAN BAHADIR