Mahir Emrelinin komandası fevralın 7-də Almaniyanın 2-ci bundesliqasında növbəti oyuna çıxıb. “Darmştadt”ın qonağı olan “Kayzerslautern” böyükhesablı məğlubiyyətdən qaça bilməyib – 0:4. Təəssüf ki, bu oyunda da həmvətənimizin adı iştirak ərizəsində olmayıb. Müntəzəm uğursuzluqların nəticəsi kimi "Kayzerslautern" artıq 7-ci pillədə qərarlaşıb ki, bu da klub rəhbərliyinin elitaya vəsiqə arzisi ilə heç cür uzlaşmır.

Yeni il ərəfəsində “CBC Sport”a açıqlama verən Mahir qışdan sonra birinci, ən pis halda ikinci oyunda sağalacağını bildirmişdi. Artıq 4-cü oyun geridə qaldı. Mahir isə zədədən əziyyət çəkir, hələ də sağala bilmir. Belə çıxır ki, Mahir ictimaiyyəti aldadıb? Yoxsa bərpa prosesi gec gedir? Bu qalır öz vicdanına. Təki tez sağalsın, yaşıl meydanlara dönsün!
MÜZƏFFƏR QULUZADƏ