“Ayntraxt”ın Çempionlar Liqasının liqa mərhələsinin 7-ci turu çərçivəsində “Qarabağ”a uduzması (2:3) azarkeşlərini özündən çıxarıb.

“Football-plus.az” “Kicker”ə istinadla xəbər verir ki, Frankfurt təmsilçisinin ultrası klub qarşısında ciddi tələblərlə çıxış edib.

Onlar komandanın indiki durumunu, xüsusən, “Qarabağ”la məğlub olduqlarına görə Çempionlar Liqasından çəkilməyi həzm etmədiyini deyib. 2000-dən çox azarkeşin iştirakıyla keçirilən iclasda klubun Bakıdan məğlubiyyətlə dönməsi biabırçılıq adlandırılıb.

Azarkeşlər bildiriblər ki, bundan sonra klubun intizabi və fəxri şuralarında, həmçinin, seçki komitəsində, audit məsələlərində tərəfdarların daha çox nümayəndəsi olmalı, klubun fəaliyyəti yaxından müşahidə edilməlidi.

Xatırladaq ki, “Qarabağ”a uduzan “Ayntraxt”ın liqa mərhələsini ilk “24-lük”dən kənarda bitirəcəyi dəqiqləşib.

KƏNAN BAHADIR