Marko Yankoviç: "Yaxşı oyun nümayiş etdirməyi planlaşdırırıq"
"Qarabağ"ın futbolçusu Marko Yankoviç Çempionlar Liqasının liqa mərhələsinin sonuncu - 8-ci turunda "Liverpul"a qarşı keçirəcəkləri oyun haqda danışıb.
"Football-plus.az" xəbər verir ki, 30 yaşlı yarımmüdafiəçi görüşdən əvvəl təşkil olunan mətbuat konfransında deyib:
"Yaxşı oyun nümayiş etdirməyi planlaşdırırıq. Rəqib komandaya böyük hörmətimiz var. Onlar öz meydanlarında çıxış edirlər, biz isə qonağıq. Buna baxmayaraq, meydanda yaxşı oyun göstərməyə və müsbət nəticə əldə etməyə çalışacağıq. Baş məşqçimizin dediyi kimi, biz dünyanın ən gözəl stadionlarından birində və güclü komandaya qarşı oynayacağıq. Bu bizim üçün bir şərəfdi. Burda olduğumuza görə xoşbəxtik".
Xatırladaq ki, “Liverpul” - “Qarabağ” oyunu bu gün Bakı vaxtı ilə saat 00.00-da başlanacaq.
