Edin Ceko İtaliyanı tərk edib. Təcrübəli futbolçu Almaniyaya üz tutub.

"Football-plus.az" xəbər verir ki, o, Almaniya çempionatının 2-ci bundesliqasında çıxış edən “Şalke-04”ün sıralarına qoşulub.

Helzenkirhen klubunun yaydığı məlumata görə, bosniyalı futbolçu ilə müddəti cari mövsümün sonuna qədər nəzərdə tutulan müqavilə imzalanıb. 39 yaşlı hücumçu yeni klubunda “10” nömrəli formanı geyəcək.

Qeyd edək ki, “Volfsburq” və “Mançester Siti”dəki parlaq çıxışı ilə tanınan Ceko son illərdə də məhsuldarlığı ilə seçilib. Edin 2024/25 mövsümündə “Fənərbaxça”da nümayiş etdirdiyi oyunla yadda qalıb. Bu komandada 37 oyuna 14 qol vurub, 4 məhsuldar ötürmə edib.