Mark-Andre ter Ştegenin aqibəti böyük ölçüdə müəyyənləşib. O, “Barselona”nı tərk edəcək.

"Football-plus.az" xəbər verir ki, təcrübəli futbolçu “Jirona”ya icarə əsasında keçməyə razılıq verib.

“Barselona” rəhbərliyi “Jirona”nın alman qapıçının cari mövsümdəki maaşının təxminən dörddəbirini ödəyəcəyi halda onu icarəyə verməyə hazırdı. Deyilənə görə, keçidə əsas maneələrdən biri futbolçunun uşaqlarına yaxın olmaq üçün komandada qalmaq istəyi olsa da, səbəbkar sonda bu təklifi qəbul edib.

Qeyd edək ki, 2014-cü ildən “Barselona”nın şərəfini qoruyan Ter Ştegen ötən müddətdə 423 oyuna çıxıb və 176 matçda qapısını toxunulmaz saxlayıb. Onun hazırkı müqaviləsinin müddəti 2028-ci ilin yayına qədərdi.