Edoardo Bove “Roma”nı tərk edəcək. Yarımmüdafiəçi karyerasını İngiltərədə davam etdirəcək.

"Football-plus.az" xəbər verir ki, tanınmış insayder Fabritsio Romanonun məlumatına görə, 23 yaşlı italiyalı futbolçu gələn həftə “Uotford”a keçəcək. Tərəflər transferin bütün detalları ilə bağlı razılığa gəliblər.

Xatırladaq ki, Bove bu mövsüm səhhətindəki problemlər səbəbindən meydana çıxmayıb. O, ötən mövsüm A seriyasında “İnter”ə qarşı keçirilən matç zamanı “Fiorentina”da icarə əsasında çıxış edərkən ürəktutması problemi ilə üzləşmişdi.