Nəhayət, Markus Reşfordun aqibəti müəyyənləşib.

"Football-plus.az" xəbər verir ki, “Barselona” rəhbərliyi “Mançester Yunayted”dən icarəyə götürdüyü futbolçunun gələcəyi ilə bağlı qərar qəbul edib.

Sport.es saytının məlumatına görə, İspaniya klubu 28 yaşlı hücumçunu birdəfəlik transfer etməyəcək. Markus icarə müqaviləsinin müddəti sona çatdıqdan sonra - cari mövsümün sonunda onu MY-yə qaytaracaq. Buna səbəb “Barselona”nın hazırkı çətin maliyyə vəziyyətidi.

Reşford “Barselona”da 2025-ci ilin yayından oynayır. O, ötən müddət ərzində bütün turnirlərdə keçirdiyi 25 matçda 7 qol vurub və 11 məhsuldar ötürmə edib.