Markus Reşfordun gələn mövsümə harda başlayacağı məlum deyil.

"Football-plus.az" xəbər verir ki, “Barselona” rəhbərliyi hələ də “Mançester Yunayted”in hücumçusunun transferi ilə bağlı qərar qəbul etməyib. Bunun əsas səbəblərindən biri futbolçunun yüksək maaşı ilə bağlıdı. Hazırda İspaniya klubu daha az maliyyə tələbi olan gənc cinah hücumçularına diqqət ayırır.

Xatırladaq ki, “Barselona” Markusu yayda icarəyə götürüb. O, İspaniya klubunun heyətində 15 matçda iştirak edib, 6 qol vurub və 7 qolun ötürməsini edib.